بسم الله الرحمن الرحيم
السلام عليكم ورحمه الله وبركاته
على كثر الهموم اللي .. في قلبي ماشكيت الحال
على كثر الجروح اللي .. تمادت اكتم العبره
رضيت ابقى تحت مر الزمان .. اللي غدا همال
مدام الله كفل عبد ٍ.. تصبر واحتسب اجره
أنا باقي .. وأظل أبقى .. على جور الحزن حمال
ولا ني من صنوف اللي بسهوله ينفجر صبره
وأنا والله .. من صغري .. عرفت ان الرجال أفعال
وعرفت ان الفتى لله .. ماغير الله يفك أسره
ترا كل الطعون اللي .. في ذاتي ماطرت عالبال
ولا هزت كياني لا ولا هزت ولا شعره
عرفت ان الزمن صوت ينادي بلهجة المحتال
تشوفه بالرضا يومٍ .. ويوم مشعل الثوره
م ن ق و ل