الرئيسية
كـالوا عني فلاحه ولهجتي كـرويّة
بالهم رح أستحي من حتشيي وأهلي
بس هذول هبايل !
بفكروا إنو ضربة حاجب مع رفعة "واكس" بصيرو من الأفندية
بعرفوش محلا الكــعدة تحت الزتونة وبريــك الشاي مع الميرمية
ولقاط التين مع سيدي قبل بحش الأرض بالفاس والطورية
,,والزيتونات مع شويه زيت وزعتر وخبز طابون وزرين بندوره فغم من الحاشوورا وفرظة جبنه نابلسية ! , ومن بوز الجعجوز اهنى شربة مية
أي هو أنا بنسى يا ستي لما كُـلتيلي :
هاي أرضنا مثل عرضنا ومين باع أرضو فرّط بعرضو
لكن ابشري يا حجة هاي الأرض بتضل أرضنا ما دامنا على درب الختيارية
