المشهد الأول
يا ابني ليش بدك تترك هالبلد وامك وخواتك؟؟
يا يابا ما فيها مستقبل اللي بدو يصير زلمة فيها بدو يسافر
رووح يا بني الله يوفقك
المشهد الثاني
يابا انا خلصت جامعة وحابة اكمل دراستي برا شو رأيك ادور على منحة
شوووووووو يا بنت خلصنا الجامعة وخلص
بس أنا حابة اشوف مستقبلي
اقتنعنا البنت تتعلم ونعلمها بس تتغرب كمان!!والله بنات اخر زمن
المشهد الثالث
يابا أنا طالع
على وين
من ايمتى بتألني انتا!!!! "طبعا هاد الابن"
خلص روح يا زلمة الله معك "اخر زمن والله"
المشهد الرابع
يابا الجامعة عاملة دورة في المسرح
دورة في شو يختي؟؟!!
بدي اشارك!!
بالله شو اقعدي ادرسي دروسك وخلصينا بلا تمثيل بلا حكي فاضي
المشهد الخامس
المرأة هي أكثر من نصف المجتمع ويجب احترامها بالكامل واعطائها كافة حقوقها
يعطيك العافية يابا كيف كان مؤتمر المرأة اليوم
روحي انصرفي من وجهي شو خصك بالكلام هاد هاد كلام للكبار وشوفيلي امك شو طابخة
أمي ما عملت اكل كان عندها شغل
يلعن ابو النسوان وقرفهم من يوم ما اتعلموا ما استفدنا منهم اشي الا طول اللسان
"طاخ طووخ طيخ طاخ طووخ"
بدي اكسر على راسك كل الدار انت وخلفتك العاطلة
المشهد السادس
مرحبا دكتور بالله بدي اوصيك على ابن فلان صاحبي كتير كتييير وشكله ناوي يحمل المادة الله يخليك لا تسودلي وجهي معه
له يا زلمة مش بينا ....على راسي بس هاد ما بفهم باشي وما بحضر محاضرات وفي الامتحان دايما راسب
يا دكتور والله بعرف بس 60 مش طالب اكتر من هيك .ولووووو
المشهد السابع
يا زلمة بقولك مبرووووك وظفنا ابنك قبل حتى مانعلن عن الوظيفة
الله يبارك فيك يا ربي
وما حدا عرف انو ما بتنطبق عليه الشروط
يا زلمة اي شروط.الخريجين"على افا مين يشيل"
المشهد الثامن
انت فتح والا حماس؟؟
فتح
وانت؟؟
حماس
ليش انتا شو؟؟
أنا فلسطيني
(راح الزلمة بشربة مي)
المشهد التاسع
بلا منوووووووو لأنو دايما بيصير وما بدي تعليقات ما الها معنى
المشهد العاشر
حبيبي ما بقدر احكي ...اخوي وأبوي في البيت
يا بنت الحرام مع مين عم تحكي؟؟ "طبعا هاد الأب"
لا يابا ولا مع حدا
تعال تعال شوف اختك ربيها
(طاخ طيخ طاخ طيخ) ....."راحت البنت"
(يرن جوال الأخ)::::اه حبيبتي ثواني وبكون عندك.........هيني رايح يابا الحب بيستناني
لم تسدل الستارة لأن هذه المشاهد لا
تكفي للتعبير عن كل ما يدور في مجتتمعنا من تناقضات فالناس تقلق من"كلام
الناس"وتنس انها جزء من هذه "الناس" وأنها بالنسبة لغيرها ايضا"كلام
الناس"والمؤسف ان نسبة التعليم مرتفعة.......الا ان نسبة الثقافة متدنية
جدا بشكل مخيف ايضا
هذه المشاهد تتعدد وتتشابه في شكلها
العام ان لم تتطابق في تفاصيلها وكل مشهد يحتاج الى مئة سنة لتغييره"ان
تغير اصلا"وهذا بالفعل واقع محبط...............