// كرسي الاعتراف من جديد .. هيا معنا //

وعليكم السلام ورحمة الله وبركاته

نور الموضوع اخت اسراء

بسم الله

- هـل تعتبـر نفسك إنسـآن حسـآس؟ اعطينـآ نسبة % مـن تقديـرك؟
ما بفكر من منطلق انو حساس ولا لا بس انو حنون على الي حولية بنسبة 85%

2- لـو حسيت أو تأكدت إنك سبب في ألـم شخص مـآ .. شو بتعمـل؟ هـل تقـول لـه آسف !! وهـل تعتقد أنهـآ تكفـي ؟
انا اذا اعرفت انو مني متالم طبعا كلمة اسف ما بتكفي بحاول اني اتقرب منو واصلح غلطي واصلح علاقتي معو واخفف عنو وارجع الميا لمجاريها

3- هـل تقبـل يد وآلدتـك يـوميـآ ؟
صراحا لا مرات بنسا او بصحا وبتكون هيا طالعة على المدرسة او بنشغل وزي هيك


4- بـعد إنهـآء الصلآه هـل تتذكـر مـآهـي السور القصيـرة التي قرأتهـآ في كـل ركعة أم لآ ؟
اللهم اعني على ذكرك وشكرك وحسن عبادتك

5- دعـآؤك الدآئم ؟
ان يرضى الله عني وان احشر مع الشهداء والصديقين والانبياء


- لكـل صفـة من الصفـآت التـأليه أعطينـآ اسم عضـو :



- عضـو مـرح :بياض الثلج



- عضـو شـآعري:رووح القلوب



- عضـو طيب: الكل صراحة ما بحس حدا حقود



- عضـو مختلف :نور الدين (اعصابو باردة بشكل فظيع)



- عضـو محبـوب :الكل محبوب وما اظن في حدا بيكره حدا


يعطيـك العـآفيـة
الله يعافيكي واخيرا خلصت عينيا دمعو من النعس والله

اكتب اسم العشو اللي في بالك
اسم العشو ما في عشو فيبالي بس في عضو في بالي هههههههه
في بصراحة عضوة اسمها صاحبة الهدف السامي عمري ما شفتها في المنتدى ولقيتها عاملة دعوة صداقة
فعلشان هيك بفكر من وين عرفتني

شو تقول للي في بالك
اصبر وما صبرك الا بالله
والله غير ربنا يكرمنا

شو امنيتك اليوم
اني اخلص جامعة في 3 سنين ونص

ما هو النك نيم اليوم ؟
لا تحزني امي ان مت في غض الشباب غدا ساحرض اهل القبور واجعلها ثورة تحت التراب


لحظه في زمن اخر ؟ اين ومع من ؟
لحظة في يوم القيامة في الفردوس بصحبة النبي المصطفى عليه افضل الصلاة واتم التسليم



مشكور كتير اخي نور الدين على المشاركة الطيبة

تحياتي للجميع وبتمنى ما اكون قصرت في اي سؤال

وبعتذر اذا كنت تحفظت على بعض الاجوبة


السلام عليكم

السؤال الاول :
1- ما رأيك في مهنة التعليم ؟؟ وهل تحب أن تكون معلما ؟؟ ولماذا ؟؟
مهنة التدريس مهنة رائع جدا ونبيلة
بس انا مش حابب اكون مدرس ما اليش طولت رووح
بس طبعا هادة مش سبب اني ما اقدم طلب توظيف
*قالولوا ايش جابرك عل المر قلهم الي امر منو

2- اكيد كان انضربت من استاذ في المدرسة صح ؟ (ومين منا ما انضرب ههه) طيب .. اذكري موقفين انضربت فيهم من اي استاذ .. ؟
اووووووه في مواقف كتير بس كان اغلبها مشاغبة ونادرا مش حالل الواجب
بس اخر وحدة كانت من المدير في توجيهي لانو الطلاب بدو يغيبو من شهر 11 وكان ما يجي الا بس عشر واحنا علمي فولعت معو وحلف يمين غير يضرب كل الصف

3- بعد ما يضربك الاستاذ .. شو كنت تحكي في عقلك ..؟ كنت تغلط عليه وتسبسب هههههه ؟؟
اما ايش كنت قول بعد ما يضربنا
بصراحة كنت اقول ان شاء الله بتنشل حسبي الله عليك

4- هل فكرت يومأ بأنك ستكون مدرسا في يوم ما ؟؟ ام كان هناك حلم آخر يجوب مخيلتك ؟
طبعا لا حتى لما دخلت الجامعة دخلت تمريض مباشر وما فكرت اني رح اكون مدرس
ولكن انا اشاء وانت تشاء والله يفعل ما يشاء

5-شو اشطر مادة كنت فيها في المدرسة .. وشو اكتر مادة كنت يا دوب امشي حالك فيها ؟؟
كنت شاطر في العلوم
والمادة الي كنت امشي حالي فيها هي الانجليزي

السؤال الثاني:
1-شو بتعنيلك قوة الشخصية ؟؟ يعني لما تشوف حدا وتقول عنو والله شخصيتوو قوية .. بناءا على شوو حكمت كدة ؟؟
قوة الشخصية هي اساس الرجل
بس قوة الشخصية مش بالضرب والزعاق لا
قوة الشخصية في المواقف والجراة
وبحكم على الشخص انو شخصيتو قوية ولا لأ مش من منظرو لا بل من موقف

2-شخصيتك بين الواقع وخلف شاشة الحاسب الالي .. هل تتشابه .. وكم نسبة التشابه .. واذ ما بتتشابه .. ما هي الامور التي تختلف فيها في النت وعالواقع ؟
كل شيء على النت هو نفس الي خلف النت بس في امور زيادة
يعني مثلا ما شفتني وانا معصب ولا مرة
وما شفتني وانا داخل في نقاش حاد
وامور تانية
وطبعا الكمال لله انا ما بقول انو ما فية عيوب بالعكس انا وغيري كلنا عيوب

3-هلقيت لما تيجي بدك تسلم على شخص لأول مرة كيف بتسلم .. (بتسلم عليه بقوة وبتغط عليه ايدو .. ولا بتسلم بسرعة .. ولا بتسلم وبتضغط على ايدو ضغط خفيف
مع هزة في الايد ؟.؟
لاول مرة ممكن تسليم عادي من غير ضغط
بس ممكن مع التسليمة الثانية فما فوق بضغط على ايديو و اهز

4-لما تمشي يا انور .. كيف مشيتك العادية بين السرعة والبطء ..؟ يعني انت طبيعتك بتحب تمشي ببطء ولا بسرعة ؟؟
متوسط يميل للسرعة
بس ما بحب امشي زي السلحفاة(زي الخاطبين )

5-لو كان قدامك على طاولة 3 شغلات .. شو بتختار منهم ( سيف - ريشة - ورقة ) ؟؟
بختار السيف لانو هو الي بيلزم في الزمن هادة

6-ابو احمد .. كنت في يوم من الايام قاعد في ورشة عمل .. وكما تعلم اغلب الورشات بيكون فيها كلا الجنسين .. ذكور واناث .. (مش موضوعنا )..
المهم .. هل تحب المشاركة في الحديث .. ؟؟ هل من الممكن أن تقوم بسرد نكة لجعل الجميع يضحك ؟؟ هل تحب أن يكون صوتك جهوري ام منخفض ؟
المشاركة في الحديث طعبا ولكن احكي نكت في مكان مختلط مستحيل
وصوتي في الاغلب في هيك اماكن متوسط يميل للانخفاض

هل تحب انتقاد اجابة لم تعجبك من احد الموجودين ؟؟
على هوا الموضوع اذا كان الموضوع شخصي او تافه ما بدق بس اذا كان الي قدامي بيناقس في مسلمات واضحة وقتها بانتقدو وبناقشو

السؤال الثالث :
1-لو في يوم من الايام لا سمح الله طبعا .. حاصروك اليهود في بيت .. وكنت خاطف جندي .. وجابوا اليهود امك .. حتى تقنعك بأنك تعطيهم الجندي وحيسبوك ..
هل حتسمع لكلام امك وهي تحت وطأة الجنود الصهاينة ..؟ طبعا هي مش من قلبها بتقولك ولكن خايفة عليك ؟؟ شو بتعمل وكيف بتتصرف ؟
2-كتير ناس بتقولك والله اليهود احسن من العرب و وو و الخ وانت عارف كتير بنسمع ناس بتمجد في اليهود .. شو رايك بهيك كلام ؟؟ وهل عمرك عصبت
وانغظت من معاملة حدا من هالعرب .. وقلت والله اليهود في معاملتهم افضل ؟؟
3-هل تتمنى أن تستشهد ؟ وكيف بتتمنى تستشهد اذا كانت الاجابة بنعم ؟
4-هل تنمتي لتنظيم معين ؟؟ ولماذا ؟
5-اذكر لنا موقفا يعلق على جدار ذاكرتك في احدى ايام الحرب ؟

السؤال الرابع :
1- نوع البيت الذي تسكن فيه .. ملك ولا ايجار ؟؟
شقة ملك والحمد لله

2-اسمعت كتير ناس بتحقد على فئة معينة وانت عارفة قصة المهاجر والمواطن في مجتمعنا .. شو رايك في هاي التفرقة ؟؟
لا لا مبدا المهاجر والمواطن مش عندي هادي التفرقة
بس بصراحة في بلاد انا ما بحبها
وما بدي اذكرها هان علشان ما نكون طعنا في حد ولا دسنالو على طرف

وهل أنت ممكن يميزون ؟؟ وهل اسرتك تتبع هذا النهج .. يعني ما بتزوجو مثلا الا منكوو وما بتعطوا مواطنين مثلا ؟؟
لا لا انا ما بميز بين مواطن ومهاجر ولا اهلي كمان بس زي ما قلتلك عنا بلاد ما بنحب نقربها ابدا

وشو رايك في المواطن ؟
ناس محترمين جدا وعاديين
بس في فئة منهم بتحسهم ما بيحبو المهاجرين
يعني المرة الي فاتت كنت في مخبز واجا واحد وقال لصاحب المخبز بدي اشتغل وهيك
عارف ايش رد عليه صاحب المخبز
قلو انت غزاوي ولا مهاجر
قلو انا مهاجر من اسدود
قلو وليش جاي تشتغل هان في غزة روح ارجع على بلدك اسدود واشتغل فيها هان ما الك شغل

3- كم عدد افراد اسرتك ؟ وهل انت الاخ الاكبر ؟؟ وما هي المسؤليات التي على عاتقك تجاه اسرتك ؟
اسرتي بشكل عام تسعة
3 اولاد واربع بنات وابوية وامي بس طبعا بعد ما اتوفى ابوي صرنا 8
وانا مش الكبير انا الثالث في الترتيب في اكبر مني واحد و وحدة

مسؤوليات كتير وان شاء الله بكون قدها
وربنا يعين والدتي عليها كمان

4-عمرك اعملت طوشة مع اخوك ؟؟ يعني لا تخلو اي اسرة من اي خلافات ؟ ليه اتقاتلت انت واياه ؟؟ مش شرط طوشة طوشة .. يعني ممكن زعل ؟؟
بتصير خلافات كتير بس بتنحل ساعتها الحمد لله
بذكر اخر طوشة كانت يوم الجمعة انا كنت نعسان وامي بدها اياني اروح على السوق اجيب بندورة وبطاطا وقعدت اقلو رووح وهو نايم التاني مسطلة معو لانو نايم بعد الفجر
فصرت ازعق وفي الاخر رحت انا ههههههههه
ولا الانيل من هيك وانا في السوق رن عليه وقلي هاتلي معك هالشغلة ههههههههههه

5-تخيل .. امك قالتلك روح اشتريلي سكر .. رحت .. وارجعت بعد شوية ... قالتلك والله انسيت اقولك جيبلي معك كوزين لبن شيمينت .. فأنت رحت وارجعت ..
فلما ارجعت .. قالتلك وأنت رايح تشتري لبن .. ابوك .. قالي ليه مش جايبين كولا ..) فشووو رايك في هالموقف ههههههه بصراحة ؟؟ بتنفخ ساعتها وبتولع معك
ههههههه ولا كيف حيكون شعورك خخخخخ ؟؟ وضح .. وهل هادا حصل معك ؟
قال حصل معي قال
يوميا بيصير هادة الاشي
وساعتها بصير ادعي على حالي وبقول ياريتكو ما خلفتوني
بس لما تسكر معي على الاخر لو كل الدنيا تيجي ما بنزل اشتري

السؤال الخامس: اسئلة عامة وغير متخصصة:
1-شو الشيء اللي بيخليك تعصب ؟؟ وهلي بتعصب مع انو الرسول ص قال ( لا تغضب لا تغضب لا تغضب ) ؟؟
العصبية هادي مش بايدي بس بحاول اسيطر عليها قدر المستطاع
حاجات كتيرة بتعصبني زي مثلا السوق واللبن فوووق ههههه

2- هل لما بتغضب .. اذا كنت واقف بتقعد.. واذا كنت راكز على جنبك بتنام .. واذا كنت مش متوضي بتتوضى ؟
بصراحة لا بس دايما بقول استغفر الله العظيم وبروح بدس حالي في تختي وبضل فيه لما اهدى
واحيانا بطلع برة الدار

3-عمرها عصبيتك خلتك تفقد ناس كتير عزيزة عليك .. يعني لحظة غضب .. ضيعت منك شيء غالي ؟؟ ازكرلي هادا الشيء الغالي ؟؟
مرة عصبت على امي وزعلت مني اسبوعين ورا بعض ما رضيت تكلمني

4-لو كنت معصب وبتصرخ على اخر ما معك في وجه صديقك .. وتبين لك أنوو هناك سوء فهم من ناحيتك لالو .. شو حتعمل بسرعة ؟؟
بنخمد على طول
وبحاول افهم الموضوع
واذا انا غلطان بعتذر الو

5-ما هو سبب احترامك لاسراء ؟؟
ردودها واعية ومنسقة
انسانة راكزة وفهمانة ومتدينة
بس مش معنى هادة انو باقي الاعضاء مش هيك
والله كلهم في نظري نفس الاشي بس باقي الاعضاء فيهم ميزات تانية حددتها في مكان تاني
بس هادي الصفة المميزة ف اسراء

6- سبب محبتك لروح القلوب ووقربها لالك من بين الكل .. (دة كلامك يا عم مش كلامي ههههه ) ؟ حتى ما تقولي كاني وماني ^_^
من ردودها بحس تفكيرها زي تفكيري وكمان هية اغلب الاحيان بتكون موجودة في المنتدى
وبترد على المواضيع
يعني كتير بيصير احتكاك في الردود داخل المنتدى فعلشان هيك هي اقرب وحدة الي في المنتدى
وطبعا الكل بحترمو وعلى عيني واسي

(؟ حتى ما تقولي كاني وماني ^_^) ما حدا قال اشي هههههه الكلام كلامي وانا الي مسؤول عنو

7-لو قولتلك يا انور .. غمض عينك وتخيل في راسك .. انك نفسك تكون في مكان ما بعد عشر ثواني والكلام راح يحصل اللي بتتخيلو ؟؟ على اي مكان بصراحة
بتحط في خيالك تروح ؟
بتمنى اكون عند قبر الرسول

8- طيب ولو قولتلك غمض عينك وحط شخص في بالك وبعد عشر ثواني حتلاقي نفسك واقف قدامو .. مين هادا الشخص بكل أمانة ودقة وموضوعية ^_^ ؟
No comment

9-ولو قولتلك غمض عينك وفتحها بعد ثواني .. شو الكلمة اللي في مخيلتك الي نفسك تسمعها او تضمرها في داخلك .. ولكن نفسك الشيء يصير بسرعة ..
وتخلص من هالحكاية .. ؟؟ شو هادي الكلمة ؟؟
هو سؤالك انا مش فاهمو صراحة
بس انا رح اقول من عندي
نفسي اعرف البنت الي احلمت فيها ارربع مرات
بشوف شكلها بس عمري ما شفتها ولا اعرفتها

10- بتحب اسمك ؟؟ ومين سماك انور ؟؟ ولو اعطيتك الفرصة لتغير اسمك هل بتوافق ؟؟ اذا نعم .. شو الاسم اللي بتختارو ؟
كتييييييير بحبو
والي سماني هو سيدي الله يرحمو

ومش حابب اغير اسمي
بس انا بحب اسم احمد ورح اسمي ابني احمد ان شاء الله بس يجي

11-اكتر مادة جبت فيها علامة في الجامعة الى الان .. واكتر علامة يندى لها الجبين ههههههه ؟
اكثر مادة هية مقدمة في الحاسوب 4 ساعات وجبت فيها 98 رفعت معددلي في السما فوق
واقل علامة هي 68 وهي الوحيدة جبتها في مادة معمل فيزيا أ والمادة ساعة مش مستاهلة

12-حاسك نفسك تتجوز من الصبح مش عارف ليه ... لو قولتلك يا انور هي وظيفة ثابتة وبكرة تكون عندك العروسة .. بتوافق ؟؟
له له من وين اجالك هالشعور
والله انت احرجتني صراحة

بس انا باكدلك انو ما بقبل اتزوج حاليا الا لما اخلص جامعة على الاقل

13- شو مواصفاتها سعيدة هالحظ ^_* ؟؟
متدينة (حافظة ولو الجزء اليسير من القران)
محترمة
طيبة مش حية من تحت تبن
مقبولة من ناحية الجمال
بتمنى تكون منتقبة او ملتزمة باللبس الشرعي من اقبل ما اخدها
حتى اذا طلبت منها تتنقب ما تحس انو تسلط مني عليها
بسيطة وفهمانة

14-كيف اعرفت انوو روح القلوب .. حساسة ؟؟ اذكرلي موقف ؟
من ردودها اقراهم كلهم بتعرف لحالك

15- وكيف اعرفت انو بياض الثلج فرفوووشة .. اعطيني موقف ؟
بردو نفس الجواب من الردود

والامر بطبيعتو تراكمي مش من موقف واحد

16-شو اكتر حاجة بتعجبك في نور الدين ؟؟ اعطيني موقف ؟

برود اعصابو
يعني المرة الي فاتت مش متفاءل خالص بيغلط وبيتهجم وهو بكل برود اعصاب بتعامل

17- تخيل معي يا انور واسرح بخيالك شوية معي .. تخيل يا سيدي العزيز .. انك في يوم من هالايام اطلعت في سيارة .. ولنفترض انها اختك منقبة .. فرضا ..
المهم انت اطلعت في سيارة .. وفجأة ما بتدرى الا وحدة منقبة طلعت في السيارة ورا .. وانت طبعا قدام ... ولكن شيء معين من طلعتها او مشيتها .. خلص قالك انها
اختك .. ودفعت عنها للسواق وقولتلو اتنين .. هلقيت يا سيدي .. في نص الطريق البنت مدت عالسواق تعطي الاجار .. الا بيقولها السواق واصل يختي ؟؟؟؟؟؟
لهي بتقولو عفوا .. لهوا بيقولها اخوكي دفع عنك .. ولكن البنت قالت انك مش اخوها او مبتعرفكاش ولكن بطريقة لبقة ^_^ ..؟؟ فشو حتعمل في هالورطة ؟؟
اوصفلي معالم وجهك وألوانووو .. واكتر لون حيكون سائد شوو هوا هههههه ؟؟ كيف ححتصرف ؟
اريحك من كل هالكلام
انا مستحيل ادفع عن وحدة منقبة حتى لو كانت امي او زوجتي ومتاكد 200% ف 100% انها هي
علشان ما احط حالي في هيك موقف
اساسا بشكل عام ما بحب ادفع عن بنات في السيارة لانو البنت رح تنحرج وانا رح انحرج كمان

18-هل أنت من هواة التكنولوجيا .. يعني بتحب تجيب كل شيء حديث مباشرة؟
يا حسرة مين سمعك صدق جوال الكاميرا وصلني بعد ما راحت موضة الكاميراا ههههههههههه

لا لا انا مش من هواة التكنولوحيا
بحسها كلها هبل

19- بتصلي الفجر في المسجد ؟؟؟ ولا في البيت ؟؟ في الموعد ولا للما تصحى ؟؟
الحمد لله في المسجد
بس احيانا بتروح علية نومة

20-شو بتحس وانت رايح تصلي الفجر في المسجد؟ (متعلق هذا السؤال بـ 19 اذا كانت الاجابة بنعم ؟ وهل تعتقد أن احساسك بصلاة الفجر يختلف عن احساسك
في صلاة الظهر ؟
طبعا
انت بتكون طالع وقاهر نفسك وحارمها النوم علشان الله عز وجل
وابتطلع على الدور حوليك كلهم نايمين وانت الي طالع في هالساعة
وخاصة والدنيا شتا

وهادة طبعا مش منة بالعكس هادي اقل عبادة لله عز وجل

21-شيء معين أمك طلبتو منك .. بس أنت رفضت؟ وما اعملتو او ما رحت ؟
ما رحت اشتري من الدكان لاني كنت مستعجل وبدي اطلع هههههه

22-ليه بتتمنى ترجع ولد صغير ؟؟ مع أن الحياة جميلة بكل لحظة من لحظاتها لو أتقنا فهمها؟
وانت صغير بتكون مرتاح ما عندك هموم وما عندك امور تفكر فيها وما عندك مسؤولية
يعني بس كول ونام ههههههههههه

23-هل تعتقد بأنك مغرور ؟؟ ولو شخص قالك انت مغرور؟؟ شو رايك فيه ؟
لا لا
بقلو انت حر هادة رايك بس قلي ليش اعتقدت اني هيك
راي فيه امممممممممممممممم مش عارف

24- طالما يا انور ما بترضى لبنتك إن الله راد في المستقبل طبعا .. انها تقعد عالنت وتتكلم مع شباب ..؟ طيب ما المانع لو أنها نهجت نفس تفكيرك..
ولكن تحدث الشباب في حدود الادب والاخلاق ؟؟ توافق ام تعارض؟ولماذا؟
اذا كان في حدود المنتدى ومع مراقبتي عادي
بس انا من الفضاوة بقعد على المنتدى
بس ان شاء الله بكرةة بشغل اوقات اولادي وبناتي في حفظ القران والامور الاخرى وما بتركم هيك فاضيين

25-المظاهر خداعة ؟؟ شو رايك بهادي المقولة ؟؟
صحيحة مية بالمية
مرات بتظن انو الي قدامك يا سلاااااام ملاك وبتتفاجأ انو الو كرسي في عالم الشياطين

26-أن تقول (احبك) او (اكرهك) ايهما اصعب من وجهة نظرك ؟ ولماذا ؟
كلمة اكرهك اصعب
لانو كلمة احبك صعبة بس بعدها بيكون في الفة ومحبة بين الطرفين
اما اكرهك فهي صعبة النطق وصعبة النتيجة يعني بعد ما تقولها رح تخسر الانسان الي قدامك ويمكن للابد

27- ولمن تقول احبك ولمن تقول اكرهك ؟اتمنى الصراحة وعدم كتابة سرررررررر واخواتها ههههههه ؟
ما دام ما في سررررر
بقول احبك لامي
واكرهك للصهاينة

28-لماذا تختار البكاء على نفسك يا انور .. ؟؟ شوو اللي مدايقك في حياتك؟ احكيلي وفضفضلي دنا باسمعك هههههه
مصرياتك قوية طائر ههههههه
حاجات كتير
اساسا مين في حدا مش مدايق ومخنوق في هالدنيا
خاصة في غزة

29-انت تقول انك ستختار امك لتمسح دموعك .. بعد سنوات عديدة ستتزوج ان شاء الله ؟؟ سيكون هنا عندك اختياريين صعبين .. هل حتختار احداهما وتستغني عن
الاخرى ..؟ هل من الممكن أن تأخذ زوجتك كل اهتمامك والاهتمام اللي معطيه لامك ؟؟
قصة انو تاخد كل الامتيازات لا
وقصة انو اختار احدهما واستغني عن الاخر لا كمان
بس طبعا ممكن زوجتي تكون اقرب الي وهي تصير تمسح الدمع وتواسيني بحكم انها شريكة حياتي

30- يسكن قلبك يا أنور من تحب .. ولكن السؤال هنا .. من تحب ؟؟
كل الناس الطيبة

31-ما رأيك بالحب ؟؟ الحب قبل الزواج الذي يقوم بين فتاة وشاب؟؟ طبعا الشيء حيكون في الخفاء .. يعني لا اهلوو للشب بيعرفو .. ولا اهلها للبنت بيعرفو في
الموضوع ؟؟ شو رايك ؟؟ تؤيد / تعارض ؟؟ لماذا ؟
في نوعين من الحب
حب طهر ونقي ومخلص
وحب نجس وكذاب وللتسلية فقط

32- هل أنت ممن يتفائل بالخير .. فيجده؟
ان شاء الله

33-هل شعرت يوما بالظلم .. ولماذا ظلمت ؟؟ ومن ظلمك؟
شعرت بالظلم في مادة كيمياء عامة أ كان دكتور تحت مستوى الصفر والله ما ببالغ
وبهيك الجامعة ظلمتنا لانو ما استفدنا أي اشي من المادة

34-فيما تفكر يا نور .. ما هو الشيء الذي يذيب عقلك .. ويستوطن خاطرك .. ويسكن قلبك؟ (الصراحة مطلوبة) خخخخخ
ممكن بفكر في مستقبلي وممكن في شريكة حياتي وممكن في يوم الخلاص من اليهود
وممكن بفكر بيو القيامة

35-انسانة انت معجب بها .. ولكن من وجهة نظري .. انا الاعجاب ليس حبا .. ولكن من الممكن ان يؤدي الي الحب .. هل تعتقد فعلا أنك تحب .. ام انك معجب؟
وهناك فرق كبير بين الحالتين؟ اذا كنت تحب .. ستشعر بأنك صوتك قد اختفة امام من تحب .. ستشعر بأنك هناك رعشة في اطرافك .. وبرودة تجتاح كامل جسدك؟؟
أما ان كنت معجب .. فستشعر بميل وود واحترام تجاه الشخص الاخر .. ولكنه ليه بالحب الجارف .. حب عابر ..؟
اعتقد انو اعجاب وقد يصل إلى حب

36-لمن تقول هذه الكلمات (اصبر وما صبرك الا بالله ...والله غير ربنا يكرمنا) ؟؟ بصراحة .. يعني اكيد لعضو من داخل المنتدى .. يعني مش من المنطق الواحد
يكتب مثلا لصديق في بالو وهو مثلا في لندن .. لانو مش حيشوف اللي كاتبوو هنا ..؟؟
انا كنت موجه الكلام هادة لابو خالد لانو في موضوع معترس عندي وعندو

خلي نيتك صافية دايما طائرهههههههههه
بعدين مين قال انو ما بينفع انو اكتب لواحد مش من المنتدى الموضوع مفتوح وبقدر اكتب لاي حد ومش شرط انو يقراه

37-هل تعتقد انك ممكن تخلص جامعة في 3 سنين ونص وبالك مشغول كتير ؟؟
ان شاء الله ليش لأ
هي كل الناس بتفكر وبتخلص في 3 ونص عادي يعني مش نظرة
اساسا ما فيحدا ما بيفكر وما في حدا الا وبالو مشغول


الحمد لله خلصت بسلام

وانا بعتذر عن عدم اجابتي للاسئلة في القسم الثالث لانو ما بدي ادخل في هيك قصص

بتمنى تتفهم اخي طائر



وانا ما بنكر اسألتك في منها كتير قوي
وبتنم عن واحد مفتح وفطن


كل التحية الك طائر بشكل خاص وطبعا للجميع بشكل عام

والي حابب يطرح كمان أسئلة بردو انا جاهز





السلام عليكم